Tokıoda Danılına men Qulambaeva álemdegi myqty juptardyń birin utty
TOKIO. KAZINFORM - Tokıo qalasynda Bıllı Djın Kıng kýboginiń Qazaqstan men Japonııa arasyndaǵy irikteý matchy máresine jetti.
Kortta juptyq synda Anna Danılına - Jibek Qulambaeva álemniń 20-raketkalary Sıýko Aoıama - Ena Sıbaharamen synǵa tústi.
Birinshi partııada qazaqstandyq jup taı-breıkte basymdylyq tanytty - 7:6 (9:7).
Ekinshisinde japonııalyqtar ese qaıyrdy - 6:3.
Sýper taı-breıkte Qulambaeva - Danılına jeńist julyp aldy - 11:9.
Eki saǵatqa jýyq ýaqytqa sozylǵan tartysty básekede qazaqstandyqtar 2 eıspen birge 8 breık-poınttyń úsheýin paıdalandy. Japonııalyq dýet 3 eıs, 5 breıkpen (8 breık-poınt) kózge tústi.
Osylaısha, qorytyndy esep - 3:1, Japonııa quramasy fınaldyq kezeńge joldama aldy.
Qazaqstan komandasy qarasha aıynda Bıllı Djın Kıng kýboginiń pleı-off kezeńinde baq synaıdy.
Eske sala keteıik, budan buryn Bıllı Djın Kıng kýboginde Japonııanyń alǵash ret fınaldyq kezeńge shyqqanyn jazǵan bolatynbyz.
