Tokıoda bıyl sakýra erte gúldedi

TOKIO. QazAqparat - Seısenbi kúni Tokıoda sakýranyń gúldeý maýsymy merziminen buryn bastaldy. Sakýra aǵashtary 1953 jyldan beri bulaı erte gúldemegen, dep habarlaıdy QazAqparat Kyodo agenttigine silteme jasap.

Japonııa meteorologııa agenttigi Tokıoda keshe tústen keıin alǵashqy sakýra gúl ashqanyn habarlady.

Gúldený maýsymy bıyl ádettegiden 10 kún, byltyrǵydan alty kún erte bastaldy.

Bir qyzyǵy, sakýranyń gúldeýi Japonııanyń basqa qalalary men prefektýralaryna qaraǵanda Tokıoda merziminen buryn bastalǵan.

Jyly aýa raıyna baılanysty bıyl el boıynsha sakýra maýsymy ádettegisinen erte bastalady.

Sakýranyń gúldeý maýsymynda Tokıodaǵy Ýeno parki sııaqty saıabaqqa kelýshiler koronavırýs shekteýleri alynýyna baılanysty úsh jylda birinshi ret saıabaqta tamaqtanyp, demala alady.

Degenmen Tokıo úkimeti el azamattaryna vırýstyń qaıta oralý qaýpin eskertip, mundaı jıyndardan bas tartýdy usyndy.