Tokıoda balyq satatyn álemdegi eń iri bazar jabyldy
ASTANA. QazAqparat - Japonııa astanasynda teńiz ónimderi men balyq satatyn álemdegi eń iri bazardy japty, dep habarlaıdy Anadoly agenttigi.
Jabylýdyń sebebi 2020 jylǵy Olımpıadaǵa daıyndyq bolyp otyr. Endi bul jerge astanalyq bılik kólik qoıatyn oryn salmaq.
Aty ańyzǵa aınalǵan bazar 83 jyldan beri toqtaýsyz jumys istep kele jatqan edi.
Bul oryn qyrkúıektiń aıaǵynda týrıster úshin jabyq bolsa, 7 qazan kúni munda jergilikti turǵyndarǵa sońǵy ret saýda jasaldy.
Aıta keterligi, Tsýkıdzıdegi sońǵy saýda-sattyq 160 kelilik týnets balyǵynyń 4,38 mıllıon ıenge ( 38 myń dollar shamasynda) satylýymen tarıhta qalmaq.
Degenmen «Tsýkıdzı» joǵalyp ketpeıdi, tek jańa orynǵa aýysady. Bazar beısenbi, 11 qyrkúıekte Toesý jasandy aralynda ashylatyn bolady.
Japonııa men Tokıo sımvoldarynyń birine aınalǵan Tsýkıdzıge jáne ony qorshaǵan meıramhanalarǵa kún saıyn myńdaǵan týrıster kelýshi edi.
