Tokıoda aýyr atletıkadan jastar arasynda álem chempıonaty ótedi

Jarysta barlyǵy 15 medaldar jıyntyǵy sarapqa salynady.

Tokıo tórinde el namysyn 2 sportshy qorǵaıtyn bolady. Olar: Mıhaıl Makeev pen Áıgerim Aýylbek, dep jazady Massaget.kz.

Mıhaıl (77 keli) 19 maýsym kúni, Áıgerim (53 keli) 17 maýsymda jarys jolyna shyǵady.

Aıta keteıik, osydan biraz ýaqyt buryn jasóspirimder arasyndaǵy álem birinshiliginiń jalaýy Taılandtyń bas shahary - Bangkokta jelbiregen bolatyn. Sol jarystan Qazaqstannyń aýyr atletteri 3 altyn, 1 kúmis jáne 2 qola medaldy qorjynǵa salyp, komandalyq esepte úzdik úshtiktiń qatarynan kóringen edi.