Tokıo Japon teńiziniń ataýyn ózgertý týraly kelissóz júrgizýge ázir
ASTANA. QazAqparat - Japonııa úkimeti bıyl kóktemde Ońtústik Koreıa jáne KHDR bıligimen Japon teńiziniń atyn ózgertý týraly kelissózderge kirisýge ázir. Bul týraly Sankei Shimbun basylymy jazdy, dep habarlaıdy «QazAqparat» HAA.
Halyqaralyq gıdrografııa uıymy resmı Tokıony osy daýly máselede Seýl jáne Phenıanmen ymyraǵa kelýge shaqyrǵan.
Ońtústik Koreıa men KHDR 1990 jyldardyń basynan beri Japon teńiziniń atyn «Shyǵys teńiz» dep ózgertýdi talap etip keledi. Sońǵy kezderi Ońtústik Koreıa kartada osy eki ataýdy qatar qoldanýdy shyǵardy.
Koreı memleketteri Japonııa HH ǵasyr basynda otarlaý saıasatyn júrgizgen tusta teńizdiń qazirgi ataýyn ádeıi álemdik qoǵamdastyqqa taratqan degen pikirde.
Japon tarapy, óz kezeginde, Japon teńiziniń osy ataýyn sonaý HІH ǵasyrda eýropalyq kartograftar qoldanǵanyn aıtyp otyr. Bul termın Monakodaǵy Halyqaralyq gıdrografııa uıymynyń anyqtamalyqtarynda olar alǵash jaryq kórgen 1929 jyldan beri ózgerissiz qoldanylyp keledi.
