Tokıo ýnıversıtetinde kitap skanerleýdiń asa shapshań júıesi jasaldy
ASTANA. 25 qarasha. QazAqparat -Tokıo ýnıversıtetiniń ınjenerleri kitapty skanerleýdiń álemdegi eń ozyq júıesin jasap shyǵardy.
Bul jańa tehnologııa boıynsha nebári bir mınýttyń ishinde 250 bet kóshirmelenedi.
NewScientist basylymynyń jazýynsha, japonııalyq mamandar skanerleýdiń shapshań júıesi aldymen kitapty paraqtaý úderisin beınejazbaǵa túsirip, sońynan ár betti ekranǵa shyǵarýdyń algorıtmin qoldaný negizinde jasaǵan. Sondaı-aq bul jobanyń avtorlary kitap betteriniń qaz-qalpynda kóshirmelenýi úshin deformatsııanyń matematıkalyq modelin paıdalanǵan. Eske sala ketsek, bir qalyń kitaptyń elektrondy nusqasyn jasaý úshin táýlikke jýyq ýaqyt jusalatyn. Bolashaqta ǵalymdar jańa tehnologııanyń jyldamdyǵyn 20 ese arttyrýdy kózdep otyr.
