Tokıo stantsııasynda taraǵan belgisiz gazdan toǵyz adam zardap shekti

Oqıǵa Takadanobaba temir jol stantsııasynda bolǵan. Jolaýshylar boıaýǵa arnalǵan eritkishtiń býyna uqsas ıis sezgen jáne tamaqtary aýyryp, jótele bastaǵan. Kıodo agenttigi toǵyz adamnyń tótenshe qutqarý qyzmetine habarlasqanyn habarlady, dep jazdy RIA Novostı.

NHK telearnasynyń málimetteri boıynsha, qazir stantsııada arnaıy mamandar jumys istep, ıistiń qaıdan shyqqanyn anyqtap jatyr. Bolǵan oqıǵa poıyzdardyń qozǵalysyna kedergi keltirgen joq.

 

1995 jyly «Aým Senrıke» belsendileri Tokıo metrosynda gaz shabýylyn jasaǵan edi. Saldarynan 12 adam kóz jumyp, birneshe adam zardap shekken. 2004 jyly Seko Asahara sektasynyń kóshbasshysy ólim jazasyna kesildi, biraq qazir ol túrmede jatyr.