Tokıo Paralımpıadasy: Qazaqstandyq sportshylardyń oıyn kórsetý kestesi jarııalandy
TOKIO. QazAqparat - Japonııa astanasy Tokıo qalasynda ótip jatqan VI Paralımpıadada 26 tamyzda eki qazaqstandyq sportshy saıysqa túsedi , dep habarlaıdy QazAqparat tilshisi.
Búgin parapaýerlıftıngten jarystar bastalady. Onda eki qazaqstandyq el namysyn qorǵaıdy.
Qazaqstandyq sportshylardyń oıyn kórsetý kestesi (elorda ýaqytymen):
Parapaýerlıftıng. Áıelder. 45 keli. 13.30 - Alına Solodýhına
Parapaýerlıftıng. Erler. 54 keli. 15.30 - Davıd Degtıarev
Dúbirli doda 24 tamyz jáne 5 qyrkúıek aralyǵynda ótkiziledi. Atalǵan jarysta elimizdiń atynan barǵan 26 sportshy sporttyń 7 túrinen synǵa túsedi.
Qazaqstandyq sportshylar 1996 jyldan beri Jazǵy Paralımpıada oıyndaryna qatysyp keledi.
Buǵan deıin Qazaqstan quramasy sapynan eki sportshy júldege qol jetkizdi. 2016 jyly Brazılııanyń Rıo-de-Janeıro qalasynda Zýlfııa Gabıdýllına erkin ádispen 100 metrge sýǵa júzýden chempıon atandy.
Sol joly taǵy bir qazaqstandyq Raýshan Qoıshybaeva paýerlıftıngten áıelder arasynda 67 kelide kúmis júldeger atandy.
