Tokıo Olımpıadasynyń tóńireginde sybaılas jemqorlyq daýy týyndady

TOKIO. QazAqparat – Japonııada Tokıo Olımpıadasyn uıymdastyrý komıtetiniń múshesi men 2020 jylǵy Olımpıadaǵa kútpegen jerden demeýshilik jasaǵan kıim tigý kompanııasynyń úsh qyzmetkeri para aldy degen kúdikpen ustaldy, dep habarlaıdy QazAqparat Euronews-ke silteme jasap.

Olımpıadada jarnama ornalastyrýmen aınalysqan Harýıýkı Takahası «Aokı Holdıngs» kompanııasynyń burynǵy basshysy men onyń qaramaǵyndaǵy eki qyzmetkerinen para aldy degen kúdikke ilindi.

Mektep túlekterine arzan kostıýmder tigýge mamandanǵan bul kompanııa Japonııanyń olımpıadalyq quramasynyń formasyn jasaýǵa tapsyrys alǵan. Japon prokýratýrasynyń aıtýynsha, bul tańdaý birden kúdik týdyrǵan, óıtkeni mundaı tapsyrystardy ádette tanymal fırmalar alady.

Bul tergeý Japonııanyń 2030 jylǵy Qysqy Olımpıada oıyndaryn ótkizýge degen ótinishine nuqsan keltirýi múmkin. Japon Olımpıada komıteti men «Aokı» kompanııasy bul aıyptaýlarǵa qatysty ázirge túsinikteme bergen joq.

Foto: Kyodo News via AP