Tokıo Olımpıadasynyń bıýdjeti 12 mlrd dollarǵa qysqardy

ASTANA. QazAqparat - Tokıoda ótetin jazǵy Olımpıada jáne Paralımpıada oıyndarynyń bıýdjeti taǵy 35 mlrd ıenge (shamamen 309 mln dollar) qysqartyldy, dep habarlaıdy TASS .

Kyodo aqparattyq agenttiginiń habarlaýynsha, Tokıodan tys jerlerde ótetin jarystar shyǵynyn Olımpıada lotereıasynan túsetin qarjymen jabý kózdelip otyr.

Olımpıada men  Paralımpıada bıýdjeti uıymdastyrý komıtetiniń,  memlekettiń jáne Tokıo bıliginiń qarjysynan qarastyrylǵan bolatyn. Osyǵan baılanysty qazir ártúrli daý-damaılar da qyzyp tur.

Aıta keteıik, halyqaralyq Olımpıada komıteti shyǵyndardy qysqartýǵa qatty kóńil bólip otyr. Olar shyǵyndy 1 mlrd dollarǵa deıin azaıtýǵa bolatynyn aıtady. Alǵashqy josparda jazǵy oıyndardyń shyǵyny $18 mlrd kóleminde dep jobalanǵan edi.

Alaıda, uıymdastyrýshylar shyǵyndardy bólý arqyly, josparlanǵan qarjyny azaıtýda.