Tokıo Olımpıadasynda sportshylardy aptap ystyq kútip tur
ASTANA. QazAqparat - Japonııa bıligi 2020 jyly jazǵy ýaqytqa ótýdi keıingi qaldyrý týraly sheshim qabyldady, dep habarlaıdy «Asahı sımbýn» gazeti.
Alǵashqyda sportshylar men kórermenderdi aptap ystyqtan qutqarý úshin Tokıoda Olımpıada oıyndarynyń ashylýyna qaraı saǵat tilin aýystyrý josparlanǵan bolatyn.
Olımpıada uıymdastyrý komıteti málim etkendeı, josparǵa egjeı-tegjeıli taldaý jasaǵannan keıin bul ıdeıadan bas tartýǵa týra kelgen. Sebebi, Japonııadaǵy barlyq júıelerdi 2020 jylǵa qaraı jańa ýaqytqa aýystyrý qıyndyq týdyrǵan.
2018 jyly jazda Japonııada aptap ystyq boldy. Eldegi eń joǵary temperatýra +41,1 gradýsqa jetti. Ol 23 shildede Kýmagaı qalasynda tirkelgen. Atap ystyq saldarynan 80 japondyq qaıtys bolǵan.
