Tokıo Olımpıadasynda sanıtarlyq normany buzǵandar deportatsııalanýy múmkin
NUR-SULTAN. QazAqparat - Halyqaralyq Olımpıada komıteti (HOK) men Halyqaralyq paralımpıada komıteti (HPK) sanıtarlyq normalardy saqtaýdan bas tartqany úshin sportshylarǵa jáne olarmen birge júretin adamdarǵa tártiptik jaza, onyń ishinde Olımpıadaǵa qatystyrmaý nemese deportatsııalaý qoldanylady, dep habarlaıdy QazAqparat Sports.kz saıtyna silteme jasap.
«Erejelerdi saqtamaý, onyń ishinde testileýden bas tartý, usynylǵan qyzmet josparyna kirmeıtin jerlerge barý nemese maska kııýdi nemese áleýmettik qashyqtyq sharalaryn ádeıi elemeý tártiptik jaza qoldanýǵa ákelýi múmkin», — dep eske salady pleıbýk qurastyrýshylary.
Tokıo Olımpıadasy 2020 jyldyń 24 shildesi men 9 tamyzy aralyǵynda ótýi kerek edi. Pandemııaǵa baılanysty jarystar bir jyl keıinge qaldyrylyp, 2021 jyldyń 8 shildesi men 8 tamyzy aralyǵynda ótedi.
20 naýryzda uıymdastyrýshylar oıyndardy sheteldik jankúıerlersiz ótkizýge sheshim qabyldady.
