Tokıo Olımpıadasynda bokstan alǵashqy altyn medal ıegeri anyqtaldy

TOKIO. QazAqparat – Tokıodaǵy Olımpıada-2020 oıyndarynda boks týrnırindegi alǵashqy chempıon anyqtaldy, dep habarlaıdy QazAqparat Sports.kz-ke silteme jasap.

Olımpıada-2020 oıyndaryndaǵy bokstan debıýttik «altyn» áıelder arasynda oınatyldy. 57 kelige deıingi salmaq sanatynda fınalda fılıppın boksshysy Nectı Petesıo men japon sportshysy Sena Irıe qolǵap túıistirdi. Bul jekpe-jekte 5:0 esebimen japon qyzy jeńiske jetti. Italııalyq Irme Teste men brıtan boksshysy Kerrıss Artıngstoll qola aldy.

Olımpıada-2020 oıyndarynyń bokstan erler arasyndaǵy alǵashqy chempıon búgin keshke anyqtalady. 69 kelige deıingi salmaq sanatynda brıtandyq Pet Makkormak men kýbalyq boksshy Ronıel Iglesıas judyryqtaspaq.

Foto: Reuters/Ueslei Marcelino