Tokıo Olımpıadasyna qatysýshylardyń tósegi kartonnan jasalady

NUR-SULTAN. QazAqparat – 2020 jyly Tokıoda ótetin Olımpıada men Paralımpıadanyń uıymdastyrýshylary qatysýshylardyń tósegi qaıta óńdelgen kartonnan jasalatynyn aıtty, dep habarlaıdy QazAqparat VVS-ǵa silteme jasap.

Tokıodaǵy Olımpıada qalashyǵynyń menedjeri Takesı Kıtadzımanyń aıtýy boıynsha, karton tósekter 200 keli salmaqty kótere alady jáne osy turǵydan alǵanda olar aǵash tósekten de myqty.

«Biraq, ústinde sekiretin bolsańyz, ol da aǵash tósek sııaqty qırap qalady», - deıdi Kıtadzıma.

Olımpıada qalashyǵyna jalpy 18 myń tósek qoıylady, al Paralımpıada kezinde onyń 8 myńy ǵana paıdalanylady.

Eske sala ketsek, Tokıo Olımpıadasy 2020 jyldyń 24 shildesi men 9 tamyzy aralyǵynda ótedi. Al Paralımpıada 25 tamyzda bastalyp, qyrkúıektiń altysy kúni aıaqtalady.