Tokıo Olımpıadasyna qatysýshylar arasynda COVID-19 juqtyrýdyń alǵashqy oqıǵasy tirkeldi

TOKIO. QazAqparat – Tokıo qalasyndaǵy Olımpıadaǵa qatysýshylar arasynda koronavırýs juqtyrýdyń alǵashqy oqıǵasy tirkeldi, dep habarlaıdy QazAqparat Reuters agenttigine silteme jasap.

Ýganda eliniń bokstan olımpıada quramasynyń múshesi Tokıodaǵy oıyndarǵa keletin sportshylardy mindetti tekserý aıasynda COVID-19 vırýsyna test tapsyryp, nátıjesi oń bolyp shyqty. Bul vırýstyń sheteldik komandadan anyqtalǵan birinshi oqıǵa ekeni atap ótilýde.

Eki ret test tapsyryp, ekeýi de oń bolyp shyqqan ýgandalyq sportshy oqshaýlandy. Ýgandanyń Olımpıadaǵa qatysatyn barlyq toǵyz sportshysyna buǵan deıin AstraZeneca vktsınasy salynǵany jáne ushaq bortyna otyrmas buryn PTR-testilerin tapsyryp, olardyń teris bolǵany habarlanyp otyr.