Tokıo Olımpıadasyna irikteý: Sý dobynan áıelder quramasy ekinshi ret jeńildi
NUR-SULTAN. QazAqparat - Búgin Italııanyń Trıest qalasynda sý dobynan Tokıo Olımpıadasyna irikteý týrnırinde Qazaqstan áıelder quramasy Vengrııadan jeńilip qaldy, dep habarlaıdy QazAqparat tilshisi.
Oıyn barysynda vengrııalyq vaterpolshy qyzdardyń basymdyǵy aıqyn ańǵarylyp turdy.
Birinshi kezeńde vengrııalyqtar 7:2, odan keıin 6:3 esebimen jeńdi.
Úshinshi jáne tórtinshi kezeńde olar 5:1, 5:0 esebimen taǵy da basymdyq tanytty.
Nátıjesinde Qazaqstan quramasy qarsylasyna 6:23 esebimen ese jiberdi.
Esterińizge sala ketelik, qazaqstandyq vaterpolshy qyzdar V tobynda synǵa túsip jatyr.
Qarsylastary - Grekııa, Vengrııa jáne Izraıl quramalary. Búgin Grekııa men Izraıl vaterpolshylary da sheberlik baıqasady.
Keshe quramamyz Grekııadan 5:13 esebimen jeńilip qaldy . Sol kúni Izraıl quramasy Vengrııaǵa 2:27 esebimen yǵyna jyǵyldy.
Endi qazaqstandyq sportshylar 21 qańtarda Izraılmen oınaıdy. Al Grekııa men Vengrııa ózara myqtyny anyqtaıdy.
Aıta ketelik, Qazaqstan quramasy Olımpıadada eki márte baq synady . Atap aıtqanda, 2000 jyly - 6, 2004 jyly - 8 oryn aldy.
