Tokıo Olımpıadasyna eń qymbat bıletterdiń baǵasy qansha
NUR-SULTAN. QazAqparat – 2020 jyly Tokıoda ótetin Olımpıada jáne Paralımpıada oıyndarynyń uıymdastyrý komıteti aldaǵy jyldyń basty sporttyq oqıǵasyna premıým sanattaǵy bıletterdiń baǵasyn atady, dep habarlaıdy QazAqparat Kyodo agenttigine silteme jasap.
Japonııalyq agenttiktiń málimetinshe, Tokıodaǵy jazǵy Olımpıadaǵa satylatyn premıým sanattaǵy bıletterdiń eń qymbaty 6,35 mln ıen (shamamen 60 myń AQSh dollary) turady. Bılet qunyna joǵary sanatty as máziri, ashylý jáne jabylý saltanatyna kirý kiredi. Uıymdastyrýshylar eń qymbat bıletterdi satyp alýǵa ótinishterdi qabyldaýdy osy aıdyń sońynda bastaýdy josparlap otyr. Eń tolyq jıyntyqtaǵy bıletterdiń ıeleri 11 olımpıadalyq jarysqa kire alady. Olarǵa jeńil atletıkadan - fınal, erler arasynda 100 jáne 400 metrge estafeta jatady.
Premıým-bılettiń ıegerleri meıramhanalyq qyzmet kiretin keremet laýndj-zonaǵa ornalasyp, Olımpıada oıyndaryn tamashalaıtyn bolady. Sondaı-aq, uıymdastyrýshylar 1,8 mln ıenge tek ashylý jáne jabylý saltanatyn tamashalaýǵa múmkindik beretin bıletterdi usynady.
Japonııanyń shamamen 5,12 mln turǵyny 2020 jylǵy 24 shilde men 9 tamyz aralyǵynda ótetin Olımpıada oıyndaryna bıletterdi satyp alyp qoıǵan.
