Tokıo Olımpıadasyna bıletter 2019 jyldyń kókteminde satyla bastaıdy

ASTANA. QazAqparat - Halyqaralyq jeńil atletıka federatsııasy (IAAF) 2020 jylǵy Tokıo Olımpıadasyna irikteý jarystarynyń qashan ótetinin jarııa etti. Bul týraly QazAqparat UOK saıtyna silteme jasap habarlaıdy.

10 000 metrge júgirý, marafon, sporttyq jaıaý jelis, aralas jarystar men estafeta 2019 jyldyń 1 qańtary men 2020 jyldyń 29 maýsymy aralyǵynda ótedi. 

Jeńil atletıkadaǵy ózge de qashyqtyqtar úshin irikteý kezeńi 2019 jyldyń 1 shildesinen bastalyp, 2020 jyldyń 29 maýsymyna deıin jalǵasady.

Sportshylar Tokıo-2020 Olımpıadasynyń joldamasyna ıelik etý úshin IAAF reıtınginde qajetti orynǵa jaıǵasyp, irikteý kezeńindegi normatıvterdi oryndaýy tıis. 

Kvalıfıkatsııalyq normatıvter aǵymdaǵy jyly bekitilip, jarııalanady. 

2020 jylǵy Tokıo Olımpıadasynyń ashylý saltanaty 24 shilde kúni ótedi. Al jeńil atletıkadaǵy jarystar 31 shildede bastalady. 

Jaqynda Halyqaralyq olımpıada komıtetiniń Atqarýshy keńesi Oıyn baǵdarlamasynyń kestesin bekitip, árbir sessııanyń bastalýy  men aıaqtalýyn jarııa etken. 

Keste týraly tolyq maǵlumat 2019 jyldyń kókteminde belgili bolmaq.

Jankúıerler bılet satyp alýǵa 2019 jyldyń kókteminde ótinim jasaı alady.