Tokıo Olımpıadasyna baratyn boksshylar Aqtaýda anyqtalady
«Bıyl el birinshiligin ótkizý mártebesi Mańǵystaý oblysyna buıyryp otyr. Qazaqstan boks federatsııasy aımaqtardan kelip túsken ótinishterdi tyńǵylyqty zerdeleı kele, Qazaqstan chempıonatynyń jalaýyn qazynaly qart Kaspıı óńirinde jelbiretemiz dep uıǵardy. Mańǵaz Mańǵystaý jerinde tuńǵysh ret ótkeli otyrǵan bokstan respýblıka birinshiligi eki myń jankúıerge shaqtalǵan «Mańǵystaý Arena» sport kesheninde 11 - 18 qarasha aralyǵynda ótedi dep josparlanǵan», - delingen federatsııa aqparatynda.
Mańǵystaý oblysy boıynsha boks federatsııasynyń prezıdenti Marat Ormanovtyń aıtýynsha, baıraqty báseke Aqtaý qalasynyń 55 jyldyq mereıtoıymen de ushtastyrylyp otyr.
«Mańǵystaý oblysynda bokstyń bedeli asqaqtap tur. Myńdaǵan jastarymyz osy sportqa den qoıǵan. Barlyq 5 aýdan men Jańaózen, Aqtaý jáne Fort-Shevchenko qalalarynda boks úıirmeleri turaqty túrde jolǵa qoıylǵan. Jattyqtyrýshylar da jetkilikti. Barsha sportsúıer qaýymdy jankúıer bolýǵa shaqyramyn. Jarys óte tartysty bolady. Sebebi, oq boıy ozyp shyqqan úzdikter ulttyq quramaǵa iriktelip alynyp, 2020 jyly Tokıoda bolatyn Olımpıadaǵa barady», - deıdi Marat Ormanov.