Tokıo Olımpıadasyn uıymdastyrý komıtetiniń basshysy otstavkaǵa ketti
TOKIO. Kyodo News – QazAqparat – Tokıo Olımpıadasyn uıymdastyrý komıtetiniń basshysy Esıro Morı genderlik málimdemelerine qatysty janjalǵa baılanysty jumystan ketetinin málimdedi, dep habarlaıdy QazAqparat Kyodo News agenttigine silteme jasap.
«Búgingi kúnnen bastap otstavkaǵa ketemin. Men orynsyz málimdemeler jasap, qolaısyz jaǵdaı týdyrdym. Olımpıadaǵa daıyndyqqa kedergi bolmaýym kerek edi», - dedi ol «Tokıo-2020» uıymdastyrý komıteti Atqarýshy keńesiniń otyrysynda.
Esıro Morıdiń ornyn Japonııadaǵy Olımpıada isteri boıynsha mınıstr Seıko Hashımoto basýy múmkin.
83 jastaǵy Morı Japonııadaǵy Olımpıadany uıymdastyrý komıtetin 2014 jyldan beri basqarady.
Morıdiń otstavkaǵa ketetini týraly 3 aqpan kúni aıtyla bastady. Ol 2020 jylǵy Olımpıada oıyndarynyń uıymdastyrý komıtetiniń otyrysynda sport komıtetteri men federatsııalarda áıel sanynyń kóbeıýi jınalystardyń uzaqqa sozylatynyna ákep soǵatynyn málim etken edi.
Tokıo Olımpıadasy 2020 jyldyń 24 shildesi men 9 tamyzy aralyǵynda ótýi kerek bolatyn, biraq koronavırýs pandemııasyna baılanysty jarys bir jylǵa shegerildi. Endi oıyndar 2021 jyldyń 23 shildesi men 8 tamyzy aralyǵyna josparlanyp otyr. Bul jarystardyń ataýyn «Tokıo-2020» dep qaldyrdy. Al Paralımpıada oıyndary 24 tamyz ben 5 qyrkúıek aralyǵynda ótedi.
