Tokıo olımpıadasyn qaı arnalar kórsetedi

NUR-SULTAN. QazAqparat – Mádenıet jáne sport mınıstri Aqtoty Raıymqulova XXXII jazǵy Olımpıada oıyndarynyń kórsetilimin uıymdastyrý jumystary áli pysyqtalyp jatqanyn aıtty, dep habarlaıdy QazAqparat.

Áýeli Aqtoty Raıymqulova bıylǵy Olımpıadaǵa baratyn sportshylarmen qosa delegatsııalardyń sany da qatty qysqarǵanyn aıtyp ótti.

«Búgingi ahýal dúnıejúzi boıynsha kúrdeli bolyp tur. Sondyqtan resmı delegatsııanyń da sany qysqardy. Mysaly burynǵy jyldary árbir sportshynyń jeke bapkeri birge baratyn edi. Qazir olardyń sany da qysqartylyp jatyr. Resmı delegatsııanyń da sany qysqarǵan. Kim-kimniń baratyny áli de naqtylanyp jatyr», - dedi vdeomstvo basshysy.

Mınıstrdiń aıtýynsha, 16 shildede «Air Astana» ushaǵymen qurama komandanyń birinshi reısi Tokıoǵa ushady. Al ekinshi reıs 27 shildede shyǵýy kerek.

«Oıyndardyń kórsetilimi boıynsha Ulttyq Olımpıada komıtetimen kúndelikti kelissózder júrip jatyr. Úmitimiz bar. Ulttyq arnalardan bolsyn, sporttyq arnalaran bolsyn Olımpıadany kórsetý boıynsha jumystarymyzdyń qorytyndysyn kóremiz dep oılaımyn», - dedi Mádenıet jáne sport mınıstri.