Tokıo olımpıadasy: Jeńil atlet Olga Safronova jartylaı fınalǵa shyǵa almady

TOKIO. QazAqparat - Tokıo Olımpıadasynda jeńil atletıka saıystary bastaldy. Búgin, 2 tamyz kúni áıelder arasynda 200 metr qashyqqa irikteý kezeńi ótti, dep habarlaıdy QazAqparat Olympic.kz-ke silteme jasap.

Qazaqstan sapynan atalǵan sanat boıynsha Olga Safronova qatysty. Tıisti qashyqty 23,64 sekýndta baǵyndyrǵan ol óz tobynda altynshy boldy.

Aıta keterligi, 1-3 oryn alǵan sportshylar jartylaı fınalǵa joldama aldy.

Foto: Vladıslav Semenov, Qazaqstan UOK