Tokıo Olımpıadasy oıyndarynyń baǵdarlamasy bekitildi
2020 jyldyń 24 shildesi men 9 tamyzy aralyǵynda ótetin oıyndarda sporttyń 33 túrinen 339 saıys ótpekshi. Olımpıadanyń resmı túrde ashylýy 24 shildege, jabylý saltanaty 9 tamyzǵa josparlanǵan.
Ashylý saltanatynan buryn, ıaǵnı 2020 jyldyń 22 shildesinde fýtbol men softboldan irikteý syndary bastalady. Sondaı-aq, ashylý saltanaty ótetin kúni eskek esý men sadaq atý sportynyń ókilderi jarys jolyna shyǵady. 2020 jylǵy Tokıo Olımpıadasynyń 1-shi jarys kúninde sporttyń 21 túrinen saıystar ótedi. Onyń ishinde, ústel tennısi, tennıs, dzıýdo, badmınton, gımnastıka, tennıs pen velosport bar.
Tokıo-2020 oıyndarynyń baǵdarlamasyna qosylǵan 3x3 basketbol, skeıtbordıng pen serfıng alǵashqy demalysta bastalyp, búkil Oıyn barysynda el nazaryna usynylady.
2020 jyldyń 1 tamyzynda Olımpıada oıyndaryna alǵash ret engen sport túrlerinen kóptegen júlde óz ıesin tappaq. Atap aıtar bolsaq, dzıýdodan komandalyq jarys, trıatlonnan aralas komandalyq estafeta jáne aralas komandalyq atýdan medaldar jıyntyǵy sarapqa salynady. Bul kúni sporttyń 23 túrinen jarys ótpekshi.
Tokıo-2020 Olımpıadasynyń eń sońǵy jarys kúninde erler arasyndaǵy marafon bastalady. Álemdegi úzdik alty marafon qataryna enetin jyl saıynǵy Tokıo marafony endi mıllıondaǵan kórermenniń nazaryn aýdarmaq.
«Tokıo-2020 Olımpıadasynyń kestesin HOK-tiń Atqarýshy komıteti bekitti. Biz mundaı isti Olımpıadanyń bastalýy men ashylý saltanatyna eki jyl qalǵanǵa deıin atqarǵanymyzǵa qýanyshtymyn. Menińshe, Tokıo-2020 oıyndary keremet entýzıazm men erekshe kóńil-kúıge toly bolady. Oıyndar ashylý saltanatyna eki kún qalǵanda Fýkýsımadaǵy softbol týrnırinen bastalyp, erler marafonymen aıaqtalady», - deıdi Tokıo-2020 prezıdenti Ioshıro Morı.
Tokıo-2020 Olımpıadasynda 42 sport nysany jumys isteıdi. Búginge deıin 24 nysan jumys istep tur, 10 ýaqytsha nysan jáne 8 jańa nysan salynady.
Tokıo-2020 uıymdastyrýshylary sýda júzý, sýda kórkem júzý jáne daıvıng kestesin tolyqtyryp jatyr.
