Tokıo Olımpıadasy: marafon basqa qalada ótetin boldy

NUR-SULTAN. QazAqparat – Halyqaralyq olımpıada komıteti men Tokııa ákimshiligi 2020 jylǵy jazǵy Olımpıada oıyndarynyń marafony men sporttyq júris jarystaryn kóshirý týraly kelisimge keldi, dep habarlaıdy QazAqparat euronews.com-ǵa silteme jasap.

Jelaıaqtardyń jarysy Tokıoda emes, Sapporoda ótetin boldy. HOK jumys tobynyń otyrysynda osyndaı sheshim qabyldandy. Biraq Tokıo gýbernatory ıÝrıko Koıke óz pikirin ózgertpeıtindigin aıtty.

«Óz basym marafon da, sporttyq júgiris jarysy da Tokıoda bolǵany durys dep sanaımyn. Degenmen, Olımpıadany qabyldaýshy qala bolǵan soń, Tokıo jalpy oıyndardyń ótýine jaǵdaı jasaýdyń mańyzdy ekenin eskerýi tıis. Sondyqtan, HOK sheshimimen óz basym kelispesem de, sońǵy sózdi aıtý quqyǵy bar organnyń sheshimine aralaspaımyn», - dedi qala basshysy.

Tokıodaǵy aptap ystyqqa baılanysty HOK osyndaı sheshim qabyldap otyr. Sońǵy úsh jylda Tokıoda shildeniń aıaǵy men tamyzdyń basyndaǵy aýa temperatýrasy 30 gradýstan túspeı qoıǵan. Bul kórsetkish 1964 jylǵy Tokıo Olımpıadasymen salystyrǵanda aıtarlyqtaı joǵary. Onyń ústine sol jylǵy Oıyndar qazannyń basynda ótkizilgen.

HOK ókilderi marafon men sporttyq júgiriske qatysýshylardyń da, uzaq jarysty tamashalaýǵa keletin jankúıerlerdiń de qamyn oılap otyr.