Tokıo Olımpıadasy: Qazaqstandyq balýandardyń alǵashqy qarsylastary belgili boldy
NUR-SULTAN. QazAqparat - Erteń, 1 tamyz kúni Olımpıada oıyndarynda kúres túrlerinen básekeler bastalady.
Jarystyń alǵashqy kúninde Tokıo boz kilemine grek-rım men áıelder kúresiniń sheberleri shyǵady.
Olympic.kz qazaqstandyq balýandardyń alǵashqy qarsylastaryn usynady.
Alǵashqy jarys kúni 60 kelide el sapynan Meırambek Aınaqulov (grek-rım kúresi) pen 76 kelide Elmıra Syzdyqova (áıelder kúresi) kúresedi.
Meırambek Aınaqulov pen Elmıra Syzdyqovanyń alǵashqy beldesýi Qyrǵyzstan balýandaryna qarsy ótedi. Meırambek tájirıbeli Jolaman Sharshenbekovpen kezdesse, Elmıra Aıperi Medetqyzymen kim myqtyny anyqtaıdy.
Jarystar Nur-Sultan ýaqytymen saǵat 08:00-de bastalady.
