Tokıo Olımpıadasy: eriktileriniń 79% COVID-19-ǵa qatysty alańdaýshylyq tanytty

TOKIO. KYODO NEWS-QazAqparat – Sársenbi kúni Tokıo úkimeti júrgizilgen saýalnamaǵa sáıkes, aldaǵy jyldyń jazynda ótetin Olımpıada jáne Paralımpıada oıyndary eriktileriniń 79 paıyzy jańa koronavırýstyń taralýyna qatysty alańdaýshylyq tanytyp otyrǵanyn málimdedi, dep habarlaıdy QazAqparat KYODO NEWS-ke silteme jasap.

«City Cast»-tiń 13 480 eriktisi jaýap bergen onlaın-saýalnamada adamdardyń 75,1 paıyzy Japonııa astanasynyń eriktiler jumysy úshin qaýipsiz jaǵdaı qurǵanyn qalaıtynyn aıtqan.

City Cast eriktileri pandemııa saldarynan bir jylǵa keıinge qaldyrylǵan Olımpıada jáne Paralımpıada oıyndary kezinde týrıster men kórermenderge kólik usynady, qalany aralatyp, jan-jaqty aqparat beredi.

Aıta ketsek, Tokıo qalasyndaǵy Olımpıada oıyndary aldaǵy jyldyń jazynda, 23 shilde men 8 tamyz aralyǵynda ótedi. Al 24 tamyz ben 5 qyrkúıek aralyǵynda Paralımpıada oıyndary bolady.