Tokıo Olımpıadasy aıyryqsha tártippen uıymdastyrylmaq

NUR-SULTAN. QazAqparat - Tokıo Olımpıadasy 23 shilde men 8 tamyz aralyǵynda ótedi dep kútilýde. Bul týraly QazAqparat QR Úkimeti janyndaǵy VAK jumysy týraly telegram kanalǵa silteme jasap habarlaıdy.

Shara burynǵy Olımpıada sharalaryna qaraǵanda múldem ózgeshe bolatyndyǵy belgili boldy.

Kórermender, sportshylar men delegatsııalardyń júris-turys erejeleriniń tolyq jıyntyǵy sáýir aıynda jarııalanady.

Biraq stadıondar men is-sharalar ótkizý kezinde ánderdi qatty aıqaılap aıtýǵa tyıym salynatyny belgili boldy.

Eske salsaq, Tokıo úkimeti júrgizilgen saýalnamaǵa sáıkes, aldaǵy jyldyń jazynda ótetin Olımpıada jáne Paralımpıada oıyndary eriktileriniń 79 paıyzy jańa koronavırýstyń taralýyna qatysty alańdaýshylyq tanytqan.