Tokıo qalasynda Japonııanyń ulttyq quramasyn 7-qysqy Azııa oıyndaryna shyǵaryp salý saltanaty ótti
ASTANA. 25 qańtar. QazAqparat /Gúlmıra Álıakparova/ - Tokıo qalasynda Japonııanyń ulttyq quramasyn 7-qysqy Azııa oıyndaryna shyǵaryp salý saltanaty ótti. Sharaǵa Qazaqstan Respýblıkasynyń Japonııadaǵy Elshisi Aqylbek Qamaldınov qatysty.
QR Syrtqy ister mınıstrliginen habarlaǵandaı, is-sharaǵa sondaı-aq Japonııanyń Bilim, mádenıet, sport, ǵylym jáne tehnologııalar mınıstrliginiń parlamenttik hatshysy Rıý Hırofýmı, Japonııanyń burynǵy premer-mınıstri Ioshıro Morı jáne osy eldiń Olımpıada komıtetiniń prezıdenti Tsýnekazý Takeda qatysty.
Elshi aldaǵy jarystarǵa Azıada nysandary tolyǵymen daıyn ekendigin jetkize kele, ekonomıkasynyń baıandy damýy men saıası turaqtylyǵynyń arqasynda Qazaqstan búgingi kúni halyqaralyq deńgeıdegi aýqymy úlken sharalardy laıyqty uıymdastyryp, ótkize alatyndyǵyn qadap aıtty.
Saltanatty rásimnen keıin A.Qamaldınov, sharaǵa qatysqan Japonııanyń resmı tulǵalarymen eki jaqty kezdesýler ótkizip, eki eldiń mádenı-gýmanıtarlyq jáne ǵylymı-tehnıkalyq salalarda yqpaldasý múmkindikterin talqylady.
