Tokıo gýbernatory Astananyń damý qarqynyn joǵary baǵalady
ASTANA. KAZINFORM — Tokıo gýbernatory ıÝrıko Koıke Astana-Japonııa dekarbonızatsııa jáne ekologııalyq tehnologııalar jónindegi is-sharada sóz sóıledi.
Japon astanasynyń gýbernatory Astanaǵa úshinshi ret kelip otyrǵanyn aıtty.
— Bul qalaǵa ár kelgen saıyn Astananyń kórkeıip, qarqyndy damyp kele jatqanyna, sondaı-aq sizderdeı jas kásipkerlerdiń qatary artyp kele jatqanyna tamsanamyn. Aralaryńyzda jasandy ıntellekt, jańartylatyn energııa kózderi jáne tsıfrlyq transformatsııamen baılanysty ozyq baǵyttarda jumys isteıtin kásip ıeleri az emes. Japonııa tarapynan da osy salalardy damytyp júrgen kóptegen venchýrlik kompanııalar qatysyp otyr. Birlesip adamzat aldynda turǵan kúrdeli máseleler men syn-qaterlerdi eńserip, ortaq órkendeýge jol asha alamyz, — dedi ıÝrıko Koıke elordada ótken kezdesýde.
Sondaı-aq ıÝ. Koıke Astana men Tokıo arasynda yntymaqtastyq týraly kelisim jasalǵanyn aıtty. Qujattaǵy negizgi baǵyttardyń qatarynda tsıfrlandyrý, tótenshe jaǵdaılardyń aldyn alý jáne joǵary tehnologııalardy damytý bar.
Budan bólek, gýbernator qazaqstandyq kompanııalardy jyl saıyn Tokıoda ótetin SusHI Tech halyqaralyq konferentsııasyna qatysýǵa shaqyrdy.
— Jyl saıyn Tokıoda álemniń túkpir-túkpirinen, ásirese Azııa elderinen 700-den astam startap bas qosatyn arnaıy SusHI Tech konferentsııasy ótedi. Bul — Azııadaǵy eń iri tehnologııalyq alańdardyń biri. Sondyqtan qazaqstandyq kompanııalar da osy konferentsııaǵa qatyssa, biz úshin úlken qýanysh bolar edi. Joǵary tehnologııalardyń bar múmkindigin birlese paıdalanyp, Astanany turaqty damyǵan qalaǵa aınaldyraıyq, — dep túıindedi Tokıo gýbernatory.
Buǵan deıin Memleket basshysy Qasym-Jomart Toqaev Tokıo gýbernatory ıÝrıko Koıkeni qabyldaǵan edi. Onyń sapary Qazaqstan men Japonııa arasyndaǵy keńeıtilgen strategııalyq seriktestiktiń ornaǵanyna 10 jyl tolýy qarsańynda ótip jatyr.
Sonymen birge, Prezıdent ıÝrıko Koıkeni І dárejeli «Dostyq» ordenimen marapattady.
