Tokıo áýejaıynda bortynda 302 jolaýshysy bar ushýǵa bet alǵan Boıng órtendi (FOTO)
ASTANA. QazAqparat - Tokıonyń «Haneda» áýejaıynda tótenshe jaǵdaı oryn aldy. Korean Air áýe kompanııasynyń ushýǵa daıyndalyp jatqan Boeing 777 jolaýshylar ushaǵynyń bortynda órt shyqty, dep habarlaıdy Japonııanyń Kyodo agenttigi.
Ushaq Seýlge betý alýy kerek bolǵan. Alaıda ushý jolaǵyna jaqyndaǵan laınerdiń sol qanatyndaǵy qozǵaltqyshy otqa orandy.
Ekıpaj jalyndy baıqap qalǵanda-aq áýe kemesiniń qozǵalysy toqtatyldy. Jolaýshylar men ekıpaj músheleri evakýatsııalandy. Oqıǵa ornyna órt sóndirýshiler shaqyryldy.
Atalǵan tótenshe jaǵdaıǵa baılanysty áýejaı ýaqytsha jabyldy. Kyodo.
