Tokıo áýejaıynda Japan Airlines ushaǵy órtendi

Tokıonyń Haneda áýejaıynda Japan Airlines ushaǵy órtendi. Kazinform bul týraly  VVS-ge silteme jasap habarlaıdy. 

NHK túsiriliminde jolaýshylardyń ushaqtan úrlemeli trap arqyly sekirip shyǵyp jatqany kórsetilgen.

Japan Airlines ushaqtaǵy 379 jolaýshy men ekıpaj músheleriniń barlyǵy evakýatsııalanǵanyn habarlady.

Kadrlarda ushaqty sharpyǵan úlken jalyn kórinedi. Ushaq tolyǵymen órtenip ketken, órt sóndirýshiler tilsiz jaýmen áli alysyp jatyr.

Órttiń shyǵý sebebi ázirge belgisiz. Reuters jáne NHK agenttiginiń habarlaýynsha, Japan Airlines ushaǵy Hanedaǵa qonǵannan keıin japondyq jaǵalaý kúzetiniń ushaǵymen soqtyǵysýy múmkin.

Órtke oranǵan ushaq 2021 jyly shyǵarylǵan Airbus A350 ushaǵy. Bul JAL516 reısi, Hokkaıdo aralyndaǵy «Sın Tıtose» áýejaıynan ushyp keledi.