Tokıo - álemdegi eń iri megapolıs
ASTANA. 15 qyrkúıek. QazAqparat - Japonııa astanasy álemdegi eń iri megapolıs. Mundaı málimetti turǵyndar problemasymen aınalysatyn amerıkandyq Population Reference Bureau zertteý agenttigi jarııalap otyr.
Atalǵan uıymnyń derekterine sáıkes, Tokıoda el halqynyń 29 paıyzy, ıaǵnı 37,2 mln. adam turady. Reıtıngtiń ekinshi ornynda Úndistan astanasy - Nıý-Delı qalasy. Bul qala turǵyndarynyń sany - 22,7 mln. adam. Al úshinshi orynǵa turaqtaǵan Meksıka astanasy Mehıkoda 20,5 mln. adam ómir súredi eken. Halqynyń sany boıynsha iri qalalar ondyǵyna Nıý-Iork, Shanhaı, San-Paýlý, Mýmbaı, Beıjiń, Dakka jáne Kalkýtta kirip otyr.
Osy uıymnyń derekterine qaraǵanda, jer sharynda 7,1 mlrd. adam ómir súrýde. Azııada 4,8 mlrd., Afrıkada - 1,1 mlrd., Evropada 760 mln. adam turady. Soltústik Amerıkada 352 mln., al Ońtústik Amerıkada 606 mln. adam tirshilik etedi.
Population Reference Bureau málimetinshe, 2050 jylǵa qaraı jer turǵyndary 9,7 mlrd. adamǵa jetse, al onyń 2,4 mlrd.-y Afrıkada turatyn bolady.
