Tokıo 23 elsiz araldy memleket menshigine qosty
ASTANA. 8 naýryz. QazAqparat - Japonııa úkimeti eksklıýzıvti ekonomıkalyq aımaq shekaralaryn anyqtaý úshin memleket menshigine 23 elsiz araldy qosty, dep habarlady ITAR-TASS.
«Bul onyń turaqtylyǵyn jáne saqtalýyn qamtamasyz etýge úles qosýy tıis», - dep málimdedi Tokıoda ótken baspasóz máslıhatynda mınıstrler kabınetiniń bas hatshysy Osamý Fýdzımýra.
Sonymen birge japondyq memleket menshigine Shyǵys-Qytaı teńizindegi Senkaký /Dıaoıýıdao/ elsiz araly da qosylyp ketken, al oǵan Beıjiń ıe bolyp júrgen bolatyn.
Budan buryn Japonııa úkimeti óziniń eksklıýzıvtik ekonomıkalyq aımaǵynyń teńiz shekaralaryn bekitý úshin 39 elsiz aralǵa ataý berýge sheshim qabyldaǵan edi. Olar baqylaýdyń japondyq aımaǵynda ornalasqan, navıgatsııalyq kartalarǵa da engizilgen, ázirge olarǵa basqa elder talasyp otyrǵan joq. Bul araldardyń kópshiligi Shyǵys-Qytaı teńizine ornalasqan.
Degenmen Beıjiń Senkaký araly aýmaǵyndaǵy ǵana emes, Tokıodan ońtústik-batysqa qaraı 1,7 myń shaqyrym jerdegi Okınotorı aralyn da japondyq eksklıýzıvti ekonomıkalyq aımaq shekarasyna qospaıdy. Qytaı ony jaı ǵana jota dep esepteıdi jáne ekonomıkalyq aımaqty mejeleýge paıdalanýǵa bolmaıdy dep sanaıdy.
