Tokıo-2020: Zakır Safıýllın búgin avstralııalyq boksshymen kezdesedi

TOKIO. QazAqparat - Tokıo Olımpıadasynda qazaqstandyq Zakır Safıýllın (63 keli) búgin shırek fınalda avstralııalyq Harrıson Garsaıdpen kezdesedi, dep habarlaıdy QazAqparat tilshisi.

Zakırdiń qarsylasy - Harrıson Garsaıd 1997 jyly 22 shildede dúnıege kelgen. Ázirge halyqaralyq deńgeıde joǵary tabystarǵa qol jetkize qoıǵan joq.

Ol Olımpıadadaǵy jarysyn birinshi irikteý kezeńinde Papýa-Jańa Gvıneıa elinen kelgen Djon Ýmeni, odan keıin namıbııalyq Ionas Ionasty 5:0 esebimen jeńdi.

Al Zakır Safıýllın 1986 jyldyń 11 qarashasynda týǵan. 2015 jyly Azııa chempıonatynda kúmis júldeger atandy.

Olımpıadada Zakır birinshi irikteý kezeńinde perýlik Leodan Pezony 5:0 esebimen jeńse, odan keıin japonııalyq Daısýke Narımatsý densaýlyq jaǵdaıyna baılanysty sharshy alańǵa shyǵýdan bas tartty.

Búgingi jekpe-jek astana ýaqytymen saǵat 15:35-ke belgilengen.

Zakır qarsylasyn jeńgen jaǵdaıda jartylaı fınalda kýbalyq Endı Krýz jáne brazılııalyq Vanderson Olıveıramen sheberlik baıqasady.

Eske salsaq, bıylǵy Olımpıadaǵa bokstan erler quramasynan 8 sportshy bardy. Olardyń arasynan Zakırden ózge Sáken Bıbosynov (52 keli), Qamshybek Qońqabaev (91 keliden joǵary) jarysty jalǵastyryp jatyr.