Tokıo-2020: Ústel tennısinen qazaqstandyq Kırıll Gerasımenko jarysty jalǵastyrady

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda qazaqstandyq Kırıll Gerasımenko ústel tennısinen jarystyń kelesi satysyna shyqty, dep habarlaıdy QazAqparat.

Oǵan Chehııadan kelgen Lıýbomır ıAncharık qarsylas boldy. Tartysqa toly kezdesýde qazaqstandyq sportshy qarsylasyn 4:3 esebimen tize búktirdi.

Aıta ketsek, ústel tennısinen Anastasııa Lavrova jarystyń alǵashqy satysynda jarys jolynan shyǵyp qaldy.

Qazirge deıin Qazaqstan qorjynyna bir qola medal tústi. dzıýdoshy Eldos Smetov 60 kelide úzdik úshtikten kórindi.

Aıta keteıik, bıyl dúbirli dodada 33 sport túrinen 339 medal jıyntyǵy sarapqa salynady.

Aıtýly alamanǵa jer betindegi 206 memleketten 11 myńnan astam sportshy qatysýda.

Qazaqstandyq 97 sportshy kúnshyǵys elinde sporttyń 28 túrinen baq synaıdy.

Eske salsaq, Tokıo Olımpıadasy 23 shildede bastaldy. Ol 8 tamyzda máresine jetedi.

Buǵan deıin Qazaqstan quramasy alty Jazǵy Olımpıadada baq synady. Jalpy alǵanda 21 altyn, 28 kúmis, 64 qola medal aldy.