Tokıo-2020: Tennısshi Mıhaıl Kýkýshkınniń ekinshi aınalymdaǵy qarsylasy anyqtaldy

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda tennısten qazaqstandyq Mıhaıl Kýkýshkınge ekinshi aınalymdaǵy qarsylas anyqtaldy, dep habarlaıdy QazAqparat.

Qazaqstandyq tennısshi belarýstik Ilıa Ivashkomen jarys jolyna shyǵady.

Ol birinshi aınalymda frantsýz Gaelıa Monfısten úsh sette 6:4, 4:6, 7:5 esebimen basym tústi.

Al Kýkýshkın argentınalyq Federıko Korıeı 7:6, 7:5 esebimen súrindirdi.

Aıta keteıik, bıyl dúbirli dodada 33 sport túrinen 339 medal jıyntyǵy sarapqa salynady.

Aıtýly alamanǵa jer betindegi 206 memleketten 11 myńnan astam sportshy qatysýda.

Qazaqstandyq 97 sportshy kúnshyǵys elinde sporttyń 28 túrinen baq synaıdy.

Eske salsaq, Tokıo Olımpıadasy 23 shildede bastaldy. Ol 8 tamyzda máresine jetedi.

Buǵan deıin Qazaqstan quramasy alty Jazǵy Olımpıadada baq synady. Jalpy alǵanda 21 altyn, 28 kúmis, 64 qola medal aldy.