Tokıo-2020: Tennısshi Aleksandr Býblık reseılik qarsylasyna jol berdi

TOKIO. QazAqparat – Japonııa astanasyndaǵy Olımpıada oıyndarynda Qazaqstan atynan synǵa túsip jatqan taǵy bir tennısshi Aleksandr Býblık asa tartysty kezdesýde reseılik sportshydan jeńilip qaldy, dep habarlaıdy QazAqparat tilshisi.

Reseılik Danııl Medvedev pen qazaqstandyq tennısshi arasyndaǵy oıyn 1 saǵat 38 mınýtqa sozyldy. Birinshi set 6:4 esebimen reseıliktiń paıdasyna sheshilse, ekinshi sette tarazy basy 64 mınýt boıy teńselip turdy. Aqyry reseılik sportshy jalpy esepte 6:4 jáne 7:6 esebimen basymdyq tanytty.

Aıta keteıik, buǵan deıin Elena Rybakına aýstralııalyq tennısshiden aılasyn asyryp, jarystyń kelesi kezeńine ótken bolatyn.

Birinshi aınalymda onyń qarsylasy aýstralııalyq Samanta Stosýr boldy. 1 saǵat 10 mınýtqa sozylǵan saıysta qarsylasynan 6:4 jáne 6:2 esebimen basym túsken qazaqstandyq tenıısshi jarystyń kelesi raýndyna shyqty.