Tokıo-2020: Taekvondoshy Rýslan Japarov shırek fınalǵa ótti
TOKIO. QazAqparat - Tokıo Olımpıadasynda taekvondoshy Rýslan Japarov shırek fınalǵa shyqty, dep habarlaıdy QazAqparat.
Qazaqstandyq sportshy 80 kelide saıysqa tústi. Oǵan Germanııadan kelgen Aleksandr Bahmann qarsylas atandy.
Saıys barysynda Rýslan qarsylasynan 11:7 esebimen basym tústi. Ol shırek fınalda Ońtústik Koreıa ókili Ke Don Inmen sheberlik baıqasady.
Aıta keteıik, taǵy bir qazaqstandyq taekvondoşy Jansel búgin ózbekstandyq Svetlana Osıpovany jeńip, jarysty jalǵastyrýǵa múmkindik aldy .
Aıtýly alamanǵa dúnıe júzindegi 206 memleketten 11 myńnan astam sportshy qatysýda. Elimizdiń atynan 97 sportshy kúnshyǵys elinde sporttyń 28 túrinen baq synaıdy.
Eske salsaq, Tokıo Olımpıadasy 23 shildede bastaldy. Ol 8 tamyzda máresine jetedi.
