Tokıo-2020: Synaqtyq jarystardyń qashan bastalatyndyǵy jarııalandy

ASTANA. QazAqparat - Tokıodaǵy Olımpıada jáne Paralımpıada oıyndaryn uıymdastyrý komıteti tórtjyldyq doda qarsańyndaǵy synaqtyq týrnırlerdiń ekinshi kezeńi bastalatyndyǵyn jarııalady, dep habarlaıdy QazAqparat.

QR Ulttyq olımpıadalyq komıtetiniń baspasóz qyzmeti málim etkendeı, jarys kestesine 16 sporttyq shara men 20 mádenı is-shara engizilgen.

«Sońǵy kezeń baǵdarlamasy 2019 jyldyń qańtarynda habarlanady. 2020 jyldyń mamyryna deıin jalpy esebi 56 is-shara ótkiziledi dep josparlanýda. Onyń basym bóligi 2020 jylǵy Olımpıada oıyndarynda daıyndyq aıasynda ótedi. Al qalǵan jarystar Tokıo-2020 uıymdastyrý komıtetiniń qoldaýymen ótkiziledi», - delingen habarlamada.

Synaqtyq jarystar Japonııa turǵyndary men jarysty uıymdastyrýshylarǵa olımpıadalyq nysandardyń daıyndyǵyn baıqaýǵa múmkindik beredi.

Baǵdarlama úshke bólingen: alǵashqysy 2019 jyldyń qyrkúıegine deıin ótse, ekinshisi 2019 jyldyń qazany men 2020 jyldyń aqpany aralyǵynda, úshinshisi 2020 jyldyń naýryzy men mamyry aralyǵynda ótedi.