Tokıo-2020: Nurıslam Sanaev qola medal úshin talasady

TOKIO. QazAqparat - Tokıo Olımpıadasynda erkin kúresten qazaqstandyq Nurıslam Sanaev (57 keli) jartylaı fınalda úndistandyq Ravı Kýmarmen beldesýge shyqty, dep habarlaıdy QazAqparat tilshisi.

Búgingi beldesýde qazaqstandyq balýan jaqsy oıyn kórsetti. Kezdesý barysynda qarsylasyn 9:1 esebimen jeńip turdy. Degenmen jaraqat alyp qalýyna baılanysty sońǵy sátterde qarsylasyna ese jiberip qoıdy.

Osylaısha úndistandyq balýan fınalǵa joldama aldy. Al Nurıslam Sanaev 3-oryn úshin saıysqa túsedi.

Al fınal men 3-oryn úshin saıys 5 tamyzǵa belgilengen.

Qazaqstandyq balýan budan buryn Gvıneı-Bısaýdan kelgen ıÝna Fafe jáne japonııalyq ıÝkı Takahasıdi qapy qaldyryp ketken edi.

Nurıslam Sanaev 1991 jyly dúnıege kelgen. Álem chempıonatynda 2018 jyly kúmis, 2019 jyly qola júldeger atandy. Al Azııa chempıonatynda 2018 jyly jeńimpaz bolsa, 2017 jyly úshinshi oryn aldy.