Tokıo-2020: Móldir Jańbyrbaı jartylaı fınalǵa shyǵa almady

TOKIO. QazAqparat - Tokıo Olımpıadasynda qazaqstandyq Móldir Jańbyrbaı (55 keli) karate-dodan jartylaı fınalǵa shyǵa almady, dep habarlaıdy QazAqparat tilshisi.

Tórtinshi kezdesýinde Móldir japonııalyq Mıho Mııaharamen sheberlik baıqasty. Bul ol jekpe-jekte qarsylasyna 2:11 esebimen ese jiberdi.

Mıho Mııahara 1996 jyldyń 3 qyrkúıeginde dúnıege kelgen. Álem chempıonatynda 2018 jyly altyn alsa, 2019 jyly kúmis júldeger boldy. Azııa chempıonatynda 2018 jáne 2019 jyldarda altyn men kúmiske qol sozdy. Oǵan qosa Dúnıejúzilik jáne Azııa oıyndarynda júldegerler qatarynan kórindi.

Aıta ketsek, Móldir Jańbyrbaı V tobynda synǵa tústi. Ol alǵashqy jekpe-jeginde mysyrlyq Radvan Saıedti jeńse, odan keıin avstrııalyq Bettına Plankke ese jiberdi.

Úshinshi kezdesýinde ýkraınalyq Anjelıka Terlıýgamen teń tústi.

Foto: Reuters / Annegret Hilse