Tokıo-2020: Móldir Jańbyrbaı ýkraınalyq qarsylasymen teń tústi
TOKIO. QazAqparat - Tokıo Olımpıadasynda qazaqstandyq Móldir Jańbyrbaı (55 keli) karate-dodan ekinshi jekpe-jegin ótkizdi, dep habarlaıdy QazAqparat tilshisi.
Ekinshi kezdesýinde Móldir ýkraınalyq Anjelıka Terlıýgamen kezdesti.
Alǵashqy sátterde qarsylasy birden úsh upaı alyp ketti. Odan keıin Móldir qaıtadan tarazy basyn teńestirdi.
Jekpe-jek 4:4 esebimen teń aıaqtaldy.
Anjelıka Terlıýga 1992 jyldyń 27 mamyrynda dúnıege kelgen. Búgingi deıin Eýropa chempıonatynda 3 altyn, 1 kúmis, 2 qola medal alǵan. Sondaı-aq, eýropalyq oıyndarda kúmis júldeger atandy.
Aıta ketsek, Móldir Jańbyrbaı V tobynda synǵa túsedi. Qarsylastary - ýkraınalyq Anjelıka Terlıýga, japonııalyq Mıho Mııahara, avstrııalyq Bettına Plank jáne mysyrlyq Radvan Saıed.
Móldir alǵashqy jekpe-jeginde mysyrlyq Radvan Saıedti jeńse, odan keıin avstrııalyq Bettına Plankqa ese jiberdi.
Endi qazaqstandyq sportshy tórtinshi jekpe-jeginde japonııalyq Mıho Mııaharamen kezdesedi.
Olımpıadada áıelder arasynda 55 kelide synǵa túsip jatqan 9 karate-do sheberi eki topqa bólingen. Árbir toptaǵy sportshylar bir-birimen kezdesedi. Úzdik shyqqan ekeýi jartylaı fınalǵa shyǵady.
Jartylaı fınalda tórt sportshy ózara bir-birimen kezdesip, úzdik úshtikti anyqtaıdy.
Foto: press-slýjba NOK Kazahstana, Vladıslav Semenov
