Tokıo-2020: Móldir Jańbyrbaı ekinshi kezdesýinde jeńildi

TOKIO. QazAqparat - Tokıo Olımpıadasynda qazaqstandyq Móldir Jańbyrbaı (55 keli) karate-dodan ekinshi jekpe-jegin ótkizdi, dep habarlaıdy QazAqparat tilshisi.

Ekinshi kezdesýinde Móldir aýstrııalyq Bettına Plankpen kezdesti. Ekeýi de jekpe-jekti belsendi bastady. Alǵashqy upaıdy qazaqstandyq sportshy aldy. Qarsylasy tarazy basyn teńestirgenimen, Móldir qaıtadan upaı sanymen alǵa shyqty. Dese de sońǵy sátte aýstrııalyq úsh upaı alyp ketti.

Osylaısha Móldir qarsylasyna 3:4 esebimen ese jiberip qoıdy.

Aıta ketsek, Móldir Jańbyrbaı V tobynda synǵa túsedi. Qarsylastary - ýkraınalyq Anjelıka Terlıýga, japonııalyq Mıho Mııahara, aýstrııalyq Bettına Plank jáne mysyrlyq Radvan Saıed.

Móldir alǵashqy jekpe-jeginde mysyrlyq Radvan Saıedti jeńse, Bettına Plank japonııalyq Mıho Mııaharaǵa ese jiberdi.

Bettına Plank 1992 jyldyń 24 aqpanynda dúnıege kelgen. Búginge deıin álem chempıonatynda eki márte qola júlde alsa, Eýropa chempıonatynda jeti márte júldeger atanǵan.

FOTO: Vladıslav Semenov, Qazaqstan UOK