Tokıo-2020: Medaldar kestesinde Qazaqstan qaı orynda tur

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda 27 shildedegi medaldar esebi jarııalandy, dep habarlaıdy QazAqparat.

Aıta keteıik, ázirge Qazaqstan quramasynyń qorjynynda úsh qola medal bar. Alǵashqysyn 24 shildede dzıýdoshy Eldos Smetov ıemdense, odan keıingi eki medaldy 25 jáne 26 shildede aýyr atlet Igor Son men Zýlfııa Chınshanlo aldy.

Osylaısha úsh qola medal alǵan el quramasy jalpy komandalyq esepte 47-orynǵa taban tiredi. Ýkraına quramasynyń da qorjynynda úsh qola bar.

Qazirge deıin 56 memleketten kelgen sportshylar medal alyp úlgerdi.

Medal alý jóninen Japonııa kósh basyna shyqty. Onyń enshisinde 10 altyn, 3 kúmis, 5 qola medal bar.

Ekinshi oryndaǵy AQSh-qa ázirge 9 altyn, 8 kúmis, 8 qola buıyrdy.

Ala Qytaı 9 altyn, 5 kúmis, 7 qolamen úshinshi orynda tur.

Tokıo Olımpıadasynda medal alǵan el quramalarynyń 27 shildedegi alǵashqy ondyqtaǵy kestesi tómendegishe:

1. Japonııa - 10-3-5

2. AQSh - 9-8-8

3. Qytaı - 9-5-7

4. Reseı - 7-7-4

5. Ulybrıtanııa - 4-5-4

6. Ońtústik Koreıa - 3-2-5

7. Avstralııa- 3-1-5

8. Kanada - 2-3-3

9. Frantsııa - 2-2-3

10. Germanııa - 2-0-3

Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda.

Buǵan deıin Qazaqstan quramasy alty Jazǵy Olımpıadada baq synady. Jalpy alǵanda 21 altyn, 28 kúmis, 64 qola medal aldy.