Tokıo-2020: Qazaqstan qorjyny taǵy bir joldamamen tolyqty
Tennısten Qazaqstan quramasynyń ókili Zarına Dııas Olımpıada lıtsenzııasynyń ıegeri boldy.
Bul Halyqaralyq tennıs federatsııasy qalǵan kvotalardy qaıta bólýdi júzege asyrǵannan keıin belgili boldy. Sportshynyń ITF lıtsenzııasyn Qazaqstan Ulttyq Olımpıadalyq Komıteti rastady.
Endi ol Tokıoda jekeleı synda óner kórsetedi.
Osylaısha, alty qazaqstandyq jekeleı synda baq synaıdy. Atap aıtqanda, buǵan deıin Aleksandr Býblık, ıÝlııa Pýtıntseva, Elena Rybakına, ıAroslava Shvedova, Mıhaıl Kýkýshkın joldama ıelengen.
Juptyq synda Andreı Golýbev pen Aleksandr Býblık, sondaı-aq Elena Rybakına men ıAroslava Shvedova synǵa túsedi.
Eske salaıyq, Tokıo Olımpıadasyna sportshylardy qabyldaý 2021 jylǵy 7 maýsymdaǵy ATP jáne WTA reıtıngteri negizinde júzege asyryldy.
Ár elden qatysýshylardyń eń kóp sany 12 adamnan aspaýy kerek (alty er adam jáne alty áıel). 64 tennısshi jeke, 32 jup - juptyq, 16 jup - aralas jupta qatysady.
Esterińizge sala keteıik, osyǵan deıin Qazaqstan quramasynda sporttyń 27 túrinen 96 lıtsenzııa jeńip alǵanyn jáne olardyń kimder ekenin jazǵan bolatynbyz.
Aıta keteıik, Olımpıada oıyndary 23 shilde men 9 tamyz aralyǵynda Tokıo tórinde ótedi.
