Tokıo-2020: Qazaqstan qorytyndy medaldar kestesinde qaı orynda tur

TOKIO. QazAqparat - Tokıo Olımpıadasynyń sońǵy kúninde Qazaqstan medaldar kestesinde bir orynǵa tómendedi, dep habarlaıdy QazAqparat tilshisi.

Eske salsaq, qazaqstandyq sportshylar dúbirli dodada barlyǵy segiz qola medal aldy. Olardyń qatarynda dzıýdoshy Eldos Smetov, aýyr atletter Igor Son men Zýlfııa Chınshanlo, boksshylar Qamshybek Qońqabaev, Sáken Bıbosynov, palýan Nurıslam Sanaev pen karateshi Darhan Asadilov pen Sofıa Berýltseva bar.

Nátıjesinde Qazaqstan 83-oryndy mise tutty. Bul - tizimdegi qorytyndy nátıje.

Bul - el sportshylarynyń qatysýymen ótken Jazǵy Olımpıada oıyndaryndaǵy eń tómengi kórsetkish. Sondaı-aq, óziniń tarıhynda tarıhynda tuńǵysh ret altyn jáne kúmis medalsyz qaıtyp otyr. Buryn mundaı jaǵdaı bolǵan emes.

Al 2004 jyly Afrına Olımpıadasynda nebári jeti medal oljalap qaıtqan edi. Alaıda olardyń 1-i altyn, 4-i kúmis, 3-i qola bolatyn.

Foto: Salı Sabırov, Qazaqstan UOK