Tokıo-2020: Qamshybek Qońqabaevtyń jartylaı fınaldaǵy qarsylasy anyqtaldy

TOKIO. QazAqparat - Tokıo Olımpıadasynda qazaqstandyq Qamshybek Qońqabaev (91 keliden joǵary) endi jartylaı fınalda kimmen kezdesetin belgili boldy, dep habarlaıdy QazAqparat tilshisi.

Qazaqstandyq boksshy 4 tamyzda jartylaı fınalda AQSh-tan kelgen Rıchard Torrezben qolǵap túıistiredi. Ol búgin kýbalyq Daınero Perony qapy qaldyryp ketti.

Rıchard Torrez 1999 jyly 1 maýsymda dúnıege kelgen. Qazirge deıin áýesqoı boksta 60 jekpe-jek ótkizip, onyń 51-de jeńiske jetti.

2016 jyly jastar arasyndaǵy álem chempıonatynda qola júldeger atandy. Al 2019 jyly Panamerıkan oıyndarynda da dál sol jetistigin qaıtalady. 2019 jylǵy álem chempıonatynda ol shırek fınalda qarsylasyna nokaýtpen utyldy.

Ázirge basqa qol jetkizgen tabystary joq.

Aıta keteıik, búgin qazaqstandyq Qamshybek Qońqabaev reseılik Ivan Verıasovty jeńip, jartylaı fınalǵa ótti.

Odan buryn Qamshybek egıpettik boksshy ıÝsrı Rezk Mustafa Hafezdi tize búktirdi.

Al Qamshybektiń basty qarsylasy ózbekstandyq Bahodır Jalolov jartylaı fınalda ulybrıtanııalyq Freızer Klarkpen sharshy alańǵa shyǵady.

Eske salsaq, bıylǵy Olımpıadaǵa erler quramasynan 8 sportshy bardy. Olardyń arasynan Qamshybekten ózge Sáken Bıbosynov (52 keli), Zakır Safıýllın (60 keli) jarysty jalǵastyrýda.

FOTO: Turar Qazanǵapov, Qazaqstan UOK