Tokıo-2020: Qamshybek Qońqabaev búgin reseılik boksshymen sharshy alańǵa shyǵady

TOKIO. QazAqparat - Tokıo Olımpıadasynda qazaqstandyq boksshy Qamshybek Qońqabaev (91 keliden joǵary) búgin reseılik Ivan Verıasovpen sharshy alańǵa shyǵady, dep habarlaıdy QazAqparat tilshisi.

Qamshybek Qońqabaevtyń búgingi qarsylasy Ivan Verıasov 1993 jyly dúnıege kelgen. Áýesqoı boksta qazirge deıin 281 jekpe-jek ótkizip, onyń 255-de jeńiske jetken bolatyn. Ázirge álemdik jáne qurlyqtyq chempıonattarda júldegerler qatarynan kórine alǵan joq.

Aıta ketsek, bıylǵy Olımpıadada ol 1/8 fınalda kamerýndyq Maksım Ienong Nıeıo 5:0 esebimen basym túsken edi.

Qamshybek Qońqabaev 1991 jyly dúnıege kelgen. Buǵan deıin álem chempıonatynda eki márte (2017, 2019), Azııa chempıonatynda úsh márte (2017, 2019, 2020) kúmis júldeger atandy.

Qamshybek budan burynǵy jekpe-jegine deıin egıpettik boksshy ıÝsrı Rezk Mustafa Hafezdi qapy qaldyryp ketti.

Eki boksshynyń jekpe-jegi búgin, 1 tamyzda saǵat 16:24-ke belgilengen.

Eske salsaq, bıylǵy Olımpıadaǵa erler quramasynan 8 sportshy bardy. Olardyń arasynan Qamshybekten ózge Sáken Bıbosynov (52 keli), Zakır Safıýllın (60 keli), Ábilhan Amanqul (75 keli), Qamshybek Qońqabaev (91 keliden joǵary) jarysty jalǵastyrýda.

Al Serik Temirjanov (57 keli), Abylaıhan Júsipov (69 keli), Bekzat Nurdáýletov (81 keli), Vasılıı Levıt (91 keli) qarsylasyna ese jiberip qoıdy.

Qyzdarda Nadejda Rıabets (75 keli) alǵashqy kezdesýde jeńilip qaldy.