TOKIO-2020: Grekııada Olımpıada alaýy jaǵyldy

NUR-SULTAN. QazAqparat – Búgin Grekııanyń Olımp taýy Tokıoda ótetin Olımpıada oıyndary-2020 alaýyn jaǵý saltanaty ótti, dep habarlaıdy QazAqparat Olympic.kz saıtyna silteme jasap.

Saltanatty sharaǵa Grekııa prezıdenti Prokopıs Pavlopýlos, Halyqaralyq Olımpıada komıtetiniń basshysy Tomas Bah, sondaı-aq «Tokıo-2020» uıymdastyrý komıtetiniń ókilderi qatysty.

Rásim ejelgi Gera hramynda ótti.

Stsenarıı boıynsha alaýdy joǵarǵy abyz áıel rólindegi grek aktrı­sasy Ksantı Georgıý jaqty.

Grekııadaǵy estafeta bir aptaǵa jalǵasady. Sodan keıin 19 naýryz kúni alaý Olımpıada-2020 uıymdastyrýshylaryna tapsyrylady.

Eske sala ketsek , buǵan deıin Tokıo-2020 atqarýshy komıtetiniń múshesi Harýıýkı Takahashı koronavırýsqa baılanysty: «Jazǵy Olımpıada oıyndaryn toqtatqannan kóri bir nemese eki jyldan keıin ótkizgen durys»,- degen pikir bildirgen edi.

Aıta ketken jón, Tokıoda Olımpıada shildeniń 24-inen 9 tamyz aralyǵynda ótedi. Al Paralımpıada oıyndary 25 tamyzdan 6 qyrkúıekke deıin bolady.