Tokıo-2020: Elmıra Syzdyqovanyń jeńiske jetýine ne kedergi boldy
«Olımpıada oıyndarynda joǵary maqsattar qoıylýy kerek. Munda eshkim jeńilý úshin kelmeıdi. Báriniń medal alǵysy keledi, biz de sol úshin kelgen edik. Qolymyzdan kelgenshe tyrystyq, rejımdi saqtadyq, karantınnen óttik. Munyń bári jeńiske jetýge kepildik bermeıdi. Olımpıada chempıondary men medaldarynyń sany shekteýli. Biz ózimizge baılanysty barlyq nárseni jasaýǵa tyrysamyz. Odan keıin ne bolatynyn bir Jaratqan biledi. Úmittený kerek jáne sený kerek», - dedi Gıýzel Manıýrova Ortalyq kommýnıkatsııalar qyzmetinde.
Sonymen birge, spıker Elmıra Syzdyqovanyń birneshe aı buryn Almatyda ótken Azııa chempıonatynda qyrǵyz sportshysyn jeńgenin eske saldy.
«Sonda bárimiz qýanǵan edik. Bálkim sol jeńis áserin tıgizgen shyǵar. Elmıra qyrǵyz sportshysyn jete baǵalamaǵan shyǵar. Keıde Olımpıada aldyndaǵy jeńilis jeńisten góri kóbirek paıda ákeledi. Ol taktıkalyq turǵyda óte jaqsy daıyndaldy. Elmıra is júzinde oǵan eshteńe jasaı almady. Tamaqtaný, rejım jáne salmaq - bári ornynda edi. Elmıra – kún tártibin saqtaıtyn jınaqy sportshy. Ol jaýapkershilikti, saıystyń qandaı mańyzdy ekenin túsinedi. Ol jarysqa maqsatty túrde daıyndaldy, qolynan kelgenniń bárin jasady, biraq jeńiske jetpedi. Odan keıin de qyrǵyz chempıony Rıo-de-Janeıro Olımpıadasyndaǵy chempıondy da ońaı jeńdi. Elmıra da, reseılik sportshy Natalıa Vorobeva da 68 keliden 76 kelige deıingi salmaq dárejesine aýysty. Meniń oıymsha, salmaqtaǵy fızıkanyń jetispeýshiligi de áser etti. Fızıkalyq turǵydan jetispeýshilik baıqaldy», - dedi Gıýzel Manıýrova.
Aıta keteıik, Elmıra Syzdyqova Tokıodaǵy alǵashqy aınalymda qyrǵyzstandyq Aıperi Medetqyzynan 8:1 esebimen jeńildi. Qyrǵyzstandyq Aıperi Medetqyzy fınalǵa shyqqan jaǵdaıda Qazaqstan sportshysy Elmıra Syzdyqova jubanysh beldesýinde kúresýge múmkindik alady.
